პროექტი

სასწავლო პროექტის გეგმა

პროექტის სახელწოდება:  „ წიგნი-ჩვენი საუნჯე“

პროექტის მთავარი იდეა(თემა): მოსწავლეები პროექტის ფარგლებში შეისწავლიან  კლასგარეშე საკითხავ მოთხრობებსა და მათი ავტორების მცირე ბიოგრაფიებს.შექმნიან ილუსტრაციებს წაკითხული ტექსტიდან გამომდინარე.

პროექტის აქტუალობა: მოსწავლეები ნაკლებად კითხულობენ არა საპროგრამომასალას ან  იშვიათად ეცნობიან ისეთი მწერლების შემოქმედებას , რომლებიც არ ხვდებათ სახელმძღვანელოში.

პროექტის მიზანი:  პროექტის მიზანია გავაღვიძოთ ინტერესი მოსწავლეებში კლასგარეშე საკითხავი ლიტერატურისადმი,  გაიუმჯობესონ კითხვისა და ჯგუფური მუშაობის უნარ-ჩვევები. ისტ ტექნოლოგიების გამოყენების უნარ-ჩვევები.მოსწავლემ შეძლოს ინფორმაციის მოძიება, კლასიფიკაცია, ანალიზი. თანატოლებთან კომუნიკაცია და შეგროვებული ინფორმაციის გაზიარება.

მონაწილეთა ასაკი: 8-9 წელი

ვადები ხანგრძლივობა: ოთხი კვირა

მოსალოდნელი შედეგები/პროდუქტები,რაც შეიძლება შეიქმნას:

წაკითხული ტექსტებიდან გამომდინარე, მოსწავლეები ქმნიან ილუსტრაციებს , აწყობენ გამოფენას.

ასევე მწერლის ბიოგრაფიისა და წაკითხული ტექსტის მიხედვით , მასწავლებლის დახმარებით აკეთებენ კედლის გაზეთს და პრეზენტაციას სლაიდების გამოყენებით.

პროექტისთვის საჭირო რესურსები: 

1.ოტია იოსელიანის -”დაჩის ზღაპრები”

2.არჩილ სულაკაურის- ”სალამურას თავგადასავალი”.

3.ვაჟა ფშაველა - "მუცელა”

4. ლუის კეროლი - "ალისა საოცრებათა ქვეყანაში“

5. ასტრიდ ლინდგრენი-"პეპი გრძელი წინდა".

პროექტორი, მოსწავლის ბუკები, დიდი ფორმატის ფურცლები, მარკერები, წინასწარ გამზადებული ფოტოები.

პროექტის მსვლელობა (ძირითადი აქტივობები):

პირველი კვირა-

·         დავაჯგუფებ მოსწავლეებს  შემდეგი აქტივობის გამოყენებით:

მათემატიკური მოქმედებები

მოსწავლეებს ურიგდებათ ბარათები. ერთ ბარათზე გამოსახულია მათემატიკური მოქმედება, ხოლო მის მეწყვილე ბარათზე - ამ მოქმედების პასუხი ან ამ მოქმედების შესრულების მეორე ვარიანტი. მაგალითად, თუ ერთ ბარათზე წერია 3 x  3, მის წყვილ ბარათზე ეწერება 9. 7+2, და ა.შ.

·         დავალებების დანაწილება- მოსწავლებს ჯგუფების მიხედვით უნაწილდებათ ავტორები, რომელთა მცირე ბიოგრაფიაც უნდა მოიძიონ და დაახარისხონ. პარალელურად კითხულობენ ნაწარმოებებს, რომლებიც ერთი კვირის განმავლობაში უნდა დაამუშაონ.

მეორე კვირა

·         თითოეულ ჯგუფთან სამუშაო შეხვედრის დროს განვიხილავთ წაკითხულ ნაწარმოებებს , გაურკვეველ საკითხებს . ჯგუფებს ეძლევათ მითითება დაინაწილონ მონაკვეთები და გააკეთონ მათი ილუსტრაცია .

მესამე კვირა

·         მოვიძიებთ სურათებს, ვაკეთებთ კედლის გაზეთებს და  ვქმნით ელექტრონულ რესურს ( სლაიდებს ) . ვემზადებით პრეზენტაციისთვის.

მეოთხე კვირა

·         ვაკეთებთ პრეზენტაციას.

საგნებთან/საგნობრივ ჯგუფებთან/ეროვნულ სასწავლო გეგმასთან კავშირი: ქართული ენა და ლიტერატურა. ხელოვნება . ისტ ტექნოლოგიები.

შედეგი-მოსწავლეების დიდი ინტერესის გამოვლენა ლიტერატურისადმი;  შემოქმედების შესწავლის მოტივაციის აღძვრა; კითხვის, აზროვნების, წერის, ისტ–ის გამოყენების უნარების , პრეზენტაციის , განვითარება. ურთიერთთანამშრომლობის, კომუნიკაციის უნარების გაუმჯობესება.

პროექტის ხელმძღვანელი: ნატო მაჭარაშვილი

პროექტის ვებ-გვერდი/ბლოგი: natamacharashvili91@gmail.com.